أقسام المكتبة الادبية
 قصيدة مختارة:
 البحث في المكتبة الأدبية:
 احصائيات المكتبة الأدبية:
 الصفحة الرئيسية » المكتبة الأدبية المهدوية » الشعر الشعبي » بسمك گلب العاشك صاح مهدينه مهدينه
 الشعر الشعبي

المقالات بسمك گلب العاشك صاح مهدينه مهدينه

القسم القسم: الشعر الشعبي الشخص الكاتب: جابر الكاظمي تاريخ الإضافة تاريخ الإضافة: ٢٠١٧/١٠/١٦ المشاهدات المشاهدات: ٣٢٥٤ التعليقات التعليقات: ٠

بسمك گلب العاشك صاح مهدينه مهدينه

جابر الكاظمي

بسمك گلب العاشك صاح

هالليله ليلة أفراح

 

مهدينه مهدينه

مهدينه مهدينه

 

 

 

ياحجة ربنه المعبود مولد شريك القران حبك دعانه
واحضرنه ابهذا المولود وانجدد وياك اعهود من محتوانه
انحبك حب ابلايه اْحدود ويه الدم حبك يمشي ابدمانه
ياراعي اليوم المشهود بسمك يالمهدي الموعود نرفع ندانه

جينه انبايع بالارواح

هالليله ليلة أفراح

 

مهدينه مهدينه

مهدينه مهدينه

 

 

 

يالحبك دم الشريان خطه ابصفحات الوجدان وفوك الضماير
يسطع نورك بالاكوان شعله وتضوي لكل إنسان تهدي السراير
يامن ايات القران لجدك أنزلها الرحمن تحمل بشاير
ميلادك رحمه وإحسان يا شمعة أهل الإيمان واهل البصاير

وجهك للعالم مصباح

هالليله ليلة أفراح

 

مهدينه مهدينه

مهدينه مهدينه

 

 

 

ميلادك يالمهدي اليوم صوت وفرح كل مهموم بسمك تعاله
فرحه ونتمناها اتدوم ابجاه الخلاق القيوم رب الجلاله
كل أرواح الناس تحوم بالحفله وتحفظ مرسوم نهج العداله
ابوجهك يا اخر معصوم من جدك أحمد مختوم ختم الرساله

يانور العصمة الوضاح

هالليله ليلة أفراح

 

مهدينه مهدينه

مهدينه مهدينه

 

 

 

يالمهدي ودنيانه اتنور من نورك يالوجهك نور يهدي العوالم
جفنيك يالمهدي ابحور من عدهن يطفح و ايدور موج المكارم
اجدادك للناس ابدور كلبي بميلادك مسرور يبن الأكارم
يامن للعالم مذخور ابقسط اوعدل اتبدل الجور اوتمحي المظالم

يالتنشر نهج الاصلاح

هالليله ليلة أفراح

 

مهدينه مهدينه

مهدينه مهدينه

 

 

 

يانور بأشرف اصلاب يتنقل بين الأطياب يحمل مناقب
انسابك أطهر أنساب كلمن والاكم ما خاب يبن الاطايب
ياشمعه ابدرب الاحباب گلبي العاشگ هام وذاب ابحبك ياغايب
ياكوكب يهدي الالباب عگبك يامن نورك غاب شفنه العجايب

ابذكرى المولد همنه إنزاح

هالليله ليلة أفراح

 

مهدينه مهدينه

مهدينه مهدينه

 

 

 

من نذكر ميعادك طال نزداد إهموم الدلال أو نگعد نلومك
وابذكرى المولد ينزال همنه إو تتجدد امال فرحة قدومك
يالمهدي وهاي الاجيال كلها اتروت من سلسال منبع علومك
والمصحف عن حبكم گال أشرف من كل الأعمال ياحي نسومك

يا من عطرك هب إوفاح

هالليله ليلة أفراح

 

مهدينه مهدينه

مهدينه مهدينه

 

 

 

ياحجة ربنه الجبار يالگلبك يحمل أسرار جدك محمد
يالوجهك وجه المختار عزمك من عزم الكرار لاح وتجسد
نحمل حبك عن إصرار غير واحد ما نختار فضلك تأيد
مهما شفنه ومهما صار منغير هاي الافكار والحب تجدد

يامن حبك النه اوشاح

هالليله ليلة أفراح

 

مهدينه مهدينه

مهدينه مهدينه

التقييم التقييم:
  ١ / ٢.٠
 التعليقات
لا توجد تعليقات.

الإسم: *
الدولة:
البريد الإلكتروني:
النص: *

 

Specialized Studies Foundation of Imam Al-Mahdi (A-S) © 2016