ماشين بدربك يحسين

لا لا للشر لا للذله

ماشين بدربك يحسين

منهج واضح والميشوفه

دربك درب العز والقوه

يا رافع راية رِفعتنه

والهيبه البينه اكسبناهه

مطلب عدنه يا مرشدنه

اعمه وباجر مثوا نار
ما تمشيه إلا الاحرار
صرنه بمدرستك ثوار
من صرنه الخطك انصار
سجلنه ابدربك ماشين

اللهِ ابمُحكم آآآياته

صح حرفين بكلمه نجمعن

إلحب مضمونه بافعالك

ايثار ودمِ و تضحيِّه

ابن الانزع سيفه تصدع

ضَمَّن معنه الحب للناس
بس مو بالكمِّ المقياس
إلحب بالناتج ينقاس
وكلهن جسدهن عباس
عاد بحد سيفه صِفين

مشايه احنه بدرب الغيره

شكَ كَبرك يحسين وشاهد

كلهه اتصيح بصوت المنحر

لو ذبحونه لو فجرونه

شيعة حيدر ما نتأثّر

نكَصد ضنوة داحي الباب
شوف ابعينك هالاحباب
ميهمنه ارصاص الارهاب
نبقه التاج وهُمَّ اذناب
نبقه بحبك مجنونين

تاريخ الحريه بسيفك

من دمك سال الشرع الله

نهجك ميخص بس الشيعه

فيصل بين الحق والباطل

سيف وقدره وعبره وعَبره

يحسين انخط من اجديد
ثبتت ساسات التوحيد
ياخذ منه ياهو يريد
واهم مَن حده بتحديد
حافظ اركان التكوين

كل منصف يدرس للمنطق

لابد من يوصل يم اسمك

لابد يجزم راس الدنيه

من حيث الفاهم يفهمهه

يبقه الحاصل انته الفاصل

لازم يوصل استنتاج
ويشاهد نوره الوهّاج
من قدسيتك لابس تاج
دمَّك اسراء ومعراج!
اْلحَبك ناجي بالدارين

بتاريخ الدنيه ودورتهه

وما صح منحورِ ابدم سابح

وماصح والِد قَدَّم وِلده

ولهاي الاسباب انحبك

يابو الاكبر هذا المنبر

ما صح دم ينحر بتار!!
من عنده اتخاف الاشرار
كبارِ المذبَحهُم وزغار
ونتعنالك مهما صار
شاهدِ بيكم متمسكين