زوارك زوارك يا شبل الصميده

زوارك زوارك يا شبل الصميده

ياشمسنا يادرسنا وريحانة نبينه
ياشرعنا يادرعنا يامهجة علينه
يانهجنه من مهجنه نهتف ياولينه
للزيارة ابهالعباره يالشافع اجينه
انصارك انصارك نهتف بالعقيدة

مو ميه ابهالجيه تعنينه ملايين
نتقدم مانهتم لو دربك سجاجين
ما نرجع خل تسمع وتشوف المعادين
للجنه تتعنه كل هاي الموالين
يم كبرك يم كبرك صوت الحب نشيده

يالقائد وانجاهد وتصيح الحناجر
منبالي يالوالي لو كطعوا مناحر
يالحبك من ربك ساكن بالضماير
تشفينه تحيينه انوار المناير
والزاير والزاير تسمع من وريده

مولانه اتلكانه عشاكك نودك
منعوفك وانطوفك غصبن عاليضدك
بالحسره والعبره والدمعة نكصدك
خدامك اعلامك نرفعها ونوعدك
ما ننسه ما ننسه هالثوره المجيدة

بالهمة للقمة يالشافع وصلنه
ابهالذكرى للحضرة بالمدمع دخلنه
صلينه وادعينه للناس ولهلنه
اتمنينه يلفينه يم كبرك اجلنه
يالوالي يالوالي هذا اللي نريده

دمعتنه وحسرتنه للجثة الصريعة
لأصحابه لأحبابه للظل عالشريعه
لأطفاله لأعياله للحرة الوديعة
وقعنه تسمعنه للموت احنه شيعة
للمهدي للمهدي نرسل هالقصيده