|
نترجاك ليل نهار
بين الدمع والحسرة
ضاكت الوسعة وبعد ما نتحمل
لو كثرت مشاكلنه وندوّر عالحل
كوم وشوف بينه شصار
حالتنه كلش خطره
لو ردنه نحجي برمز لو عالمكشوف
اصبح المنكر غالب على المعروف
تعلم زيـن بالاسرار
أو بالوضع عنــــدك خبره
يومية تزهك من الهموم أرواح
واعله الوضع تحجي بدموع التمساح
تبيع الدين بالدولار
وميهمها حال الفقره
يالغايب غيابك تعده حدوده
والفتن تدري بكل كتر موجودة
جرد السيف واخذ الثار
ما نفذ كلبك صبره
|
|
يالغايب
يوم الوعد ننتظره يالغايب
وكلفه الجروح البينه ما ظن تنشل
وغيرك يغايبنه اشبعد نتأمل
يالغايب
يوم الوعد ننتظره يالغايب
ما يخفى عنك تعلم وزين تشوف
والحك يعيش بسجن اظلم مجتوف
يالغايب
يوم الوعد ننتظره يالغايب
والتدعي تعمل بخير واصلاح
كل همها يبن الحسن جمع الارباح
يالغايب
يوم الوعد ننتظره يالغايب
ليل الظلم انهض وكسر اقيوده
أو حشد السفياني علينه جنوده
يالغايب
يوم الوعد ننتظره يالغايب
|
