|
يبن الأطهار النجباء
أنتَ مَنار
يا يوم تظهر سيّدي والنه اتعود
قائدنه انته واحنه يالمهدي اجنود
بالصبر مهما ردنه نبذل مجهود
الصَّبرُ يَقُضُّ الأحشاء
أنتَ مَنار
ابفارغ صبر هالطّلعه منتظريها
هاي الأرض جور ومظالم بيها
دنيانه سيفك سيدي ايصفّيها
الأرضُ بكفَّ الأعداء
أنتَ مَنار
حان الوعد يبن الأباة الأكرام
كابدنه من الصبر لوعه وآلام
وابطلعتك تحيي السّنن والأحكام
نَرقَبُ طَلعَتَكَ الغَرّاء
أنتَ مَنار
يالمهدي يومك حان والموعد صار
العالم يصيح بصرخة الاستنصار
لا تنسه ثارك سيّدي عندك ثار
والدمعُ يخطُ الأرزاء
أنتَ مَنار
|
|
لا تنس يومَ الزهراء
خُطَّ شعار
ننتظر ساعة طلعتك يا موعود
والأمل بالله وبيك أصبح معقود
لابد ميادين الصبر إلها احدود
يا مَن إسمُك في الأسماء
خُطَّ شعار
وارواح إلك يبن الحسن نفديها
وابطلعتك قسط وعدل تمليها
وثارات عندك ما أظن ناسيها
والظلمُ بكلَّ الأرجاء
خُطَّ شعار
نتأمّل وظلّينه نحسب أعوام
يا يوم تظهر يا منار الإسلام
وتمسح بسيفك كل رموز الإجرام
وَرَفَعنا للحقَّ لواء
خُطَّ شعار
واحنه لك يبن الأطايب أنصار
وانعادت امن الظلم نفس الأدوار
يا ضلع تدري اتهشّم ابباب الدار
يومَ شجونٍ يومَ بكاء
خُطَّ شعار
|
