|
هالليله يا وادي الطفوف
جيت اسأل بحزن وأشوف
وين الگمر وين الچفوف
وين الجسوم الداميات
|
|
|
|
|
|
ردينه يالوادي.. دمع الجفن حادي.. والعائلة اتنادي.. وين الاهل وين
على الغبره عفناهم.. رحنا وتركناهم.. تتفايض دمائهم.. وخطفهم البين
هالليلة ردينا.. لهشوم اهالينا.. منهو اليدلينا.. عن جثة حسين
راعي العلم وينه.. ما شفنا چفينه.. من رحنا خلينه.. على الشاطي چفين
دلينه يا وادي الثبور
وين المصارع والنحور
وين الشمس والبدور
|
|
وين النجوم الزاهرات
|
|
وين الجسوم الداميات
|
|
|
|
|
|
يا الوادي تدرينه.. لگاعك تعنينه.. وبيا وضع جينه.. بس عايلة واطفال
هاي أنا بنت حيدر.. دلالي يتوجر.. يا الوادي ما اقدر.. اشرح لك الحال
عفت الجثث بالبر.. وتكفلت خدر.. تاليها اتيسر.. ما مر على البال
عن أهلي بعدوني.. مسبية مشوني.. عدواني خلوني.. اتحمل اهوال
تدريني يا وادي المصاب
من هالنوايب راسي شاب
لا ماشفت جور وعذاب
|
|
وبقلبي جمر النايبات
|
|
وين الجسوم الداميات
|
|
|
|
|
|
ينزف دمع عيني.. عدواني سابيني.. وبقلبي راميني.. من الشامت اسهام
بالشهگة والدمعه.. عفت الاهل صرعه.. ناعي الأجل ينعه.. عالغبره اجسام
مرميه والگاني.. وآنه ويعدواني.. لندهري خلاني.. اتحمل آلام
مسبيه وداني.. چم لوعه راواني.. وبجوره مشاني.. للكوفه والشام
عفت الجثث فوگ الرمال
والما يمر حتى بخيال
عگب الخدر عگب الدلال
|
|
مسبية وامشي ويا الطغاة
|
|
وين الجسوم الداميات
|
|
|
|
|
|
عگب الاهل تالي.. لاني بلا والي.. محتارة بعيالي.. هذا الذي صار
يوم اللي يسروني.. هالليلة جابوني.. من گلبي وعيوني.. تتنازف اعبار
لما وصل رحلي.. ظل الدمع يغلي.. وتذكرت اهلي.. وخيامي والنار
واذكر هضم حالي.. من سلبوا اطفالي.. تتراكض گبالي.. لا خيمة لا دار
كلما دمع عيني يسيل
يذكرني بچفوف الكفيل
أنسه كفيلي مستحيل
|
|
من بعده مليت الحياة
|
|
وين الجسوم الداميات
|
|
|
|
|
|
گلبي نفذ صبره.. جيت امشي على الجمره.. اتوجب العبره.. تحملني لجروح
انشد على العتره.. على من گطع نحره.. من هشموا صدره.. خليته مذبوح
يوم لعفت جسمه.. متخضب بدمه.. وآنه تركت يمه.. هالمهجه والروح
يا الوادي حاچيني.. عن گبره دليني.. لا لا تخليني.. مخنوگه بالنوح
حاچيني يا وادي النحيب
منهو لحفر گبر الغريب
منهوا لدفن جسمه الخضيب
|
|
فيض الدموم الجاريات
|
|
وين الجسوم الداميات
|
|
|
|
|
|
لهفه گلب هايم.. صحت بدمع ساچم.. ضيعة گمر هاشم.. مني الامل ضاع
يوم الذي عفته.. على المشرعه تركته.. بعيوني ما شفته.. بس الخبر شاع
گالولي على الغبره.. أوصاله متوذره.. وتحيرت بأمره.. عفته بلا وداع
على الشاطي خليته.. وبصوتي ناديته.. دلالي يا ريته.. توذر على الگاع
ما ودعت جسمه الصريع
لا شاهدت چفه الگطيع
لا لوعة مصابه الفضيع
|
|
خلاني اتمنى الممات
|
|
وين الجسوم الداميات
|
|
|
|
|
|
يا الوادي خبرني.. منهو الصبرني.. ترابك يذكرني.. موت الميامين
وأذكر عرس جاسم.. علي الاجل هايم.. دالي العرس نايم.. بين المضاعين
ولاكبر بكتره.. وبهامته الطبره.. والجثه متعفره.. وسط الميادين
مهما كثر نوحي.. ما تغمد جروحي.. تتسجر بروحي.. نار الصواوين
هالليلة يا وادي الظلام
دمع الجفن اهدي السلام
دم اخوتي نحر الامام
|
|
بذيج الشفاه الذابلات
|
|
وين الجسوم الداميات
|
هالليله يا وادي الطفوف
